У пятніцу 10 лютага адбыўся круглы стол для слухачоў ФПК, у якім прынялі ўдзел першы намеснік старшыні Камітэта па сельскай гаспадарцы і хачаванні Гродзенскага аблвыканкама - Сяргей Шэўчык, каардынатар праекта “Падтрымка і навучанне прадпрыемстваў харчовай прамысловасці ў Гродзенскай вобласці – стварэнне Гродзенскага аграпрамысловага парку (ГАПП) ў Беларусі – Руслан Кізелевіч, член Гродзенскай абласной асацыяцыі фермераў - Бернард Тодрык, кіраўнік цэнтра навуковага пчалярства ГДАУ – Мікалай Халько, прарэктар факультэта па падвышэнні кваліфікацыі ГДАУ – Аляксандр Тарас.

Вялікую прамову, пад час якой пазнаёміў гасцей з Томскай вобласці са станам развіцця раслінаводчай галіны сельскай гаспадаркі вобласці, меў Сяргей Шэўчык. Ад удзельнікаў круглага стала ён атрымаў шмат пытанняў, на якія яны пачулі кампетэнтныя адказы

Цікавай была і размова з адным з першых фермераў Гродзенскай вобласці Бернардам Тодрыкам, які зараз ужо перадаў справы свайму сыну Аляксею Тодрыку, які, як і бацька закончыў Гродзенскі дзяржаўны аграрны ўніверсітэт, толькі не агранамічны, а эканамічны факультэт і займаецца развядзеннем племянных свіней.

Госці задавалі пытанні нашаму галоўнаму пчаляру Мікалаю Халько і думаю вельмі шкадавалі, што не паспелі пабываць у музеі цэнтра навуковага пчалярства.

Пасля круглага стала навучэнцы ФПК з далёкага краю яшчэ праслухалі лекцыю дацэнта кафедры пладагароднінаводства і лугаводства Сяргея Собалева, які расказаў пра апрацоўку глебы па вода- і рэсурсазберагаючай тэхналогіі No-till. У гэты ж дзень прарэктар ФПК Аляксандр Тарас уручыў слухачам вучобы пасведчанні аб пройдзеным навучанні на базе ГДАУ і аграрных устаноў Беларусі.

Вечарам госці з Томскай вобласці наведалі Гродзенскі абласны драматычны тэатр, у якім паглядзелі камедыйную пастаноўку “Занадта жанаты таксіст”.

У суботу, у першай палове дня, для гасцей была арганізавана экскурсія. На вуліцы было мінус 4^оС, але пры нашай вільготнасці для гасцей з Сібіры было халаднавата. Пасля Коложы наведалі Харальную сінагогу, дзе Барыс Максавіч Квяткоўскі крыху распавёў пра гісторыю яўрэйскага народу. Хуценька наведалі Стары і Новы Замкі Гродна, і наступным аб’ектам экскурсіі была аптэка-музей, дзе можны было паслухаць пра гісторыю старэйшай аптэкі Беларусі. Пасля наведвання кафедральнага сабора Ф.Ксаверыя, пабудаванага у канцы 17-га стагоддзя езуітамі, экскурсія працягвалася з вокнаў аўтобуса.

Такое было рашэнне гасцей - не замерзнуць і не застудзіцца. Усё роўна шмат хто запланаваў для сябе наведаць Гродна ў летні час, а заадно і пазнаёміцца з іншымі славутасцямі Беларусі.

• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
•  

Таранда Н.И.,
доцент кафедры микробиологии и эпизоотологии