Яўген Добрук і Аляксандр Тарас былі запрошаны ў Вармінска Мазурскі універсітэт у Ольштыне на святкаванне 60-х угодкаў факультэта біяінжынерыі жывёлы. Юбілей адзначаўся, як і належыць: спяваў студэнцкі хор гімн “Гвідэамус” і універсітэцкі гімн, усе адказныя асобы былі апранутыя ў адпаведныя мантыі. Адчувалася, што гаспадар свята нават не рэктар, а дэкан факультэта Веслаў Саботка. Рэктар выступіў з віншаваннем, Яўген Альбертавіч Добрук – дэкан факультэта біятэхналогіі ГДАУ таксама, як і іншыя запрошаныя госці з розных краін. На ўрачыстым паседжанні Савета яму быў уручаны медаль факультэта за ўнёсак у развіццё супрацоўніцтва паміж нашымі універсітэтамі.

Прадстаўнікі ГДАУ ўдзельнічалі ў XXII Міжнародным сімпозіуме птушкагадоўцаў польскага аддзялення Сусветнай птушкагадоўчай асацыяцыі, а таксама ў адкрыцці 75-га з’езда польскага таварыства заатэхнікаў. Супрацоўніцтва ГДАУ і Вармінска Мазурскага універсітэта ў Ольштыне працягваецца стала даўно на ўзроўні кафедраў біятэхналагічнага (раней зоаінжынернага) факультэта, у сувязі з чым узгадняюцца навуковыя праграмы сумесных даследаванняў, стажыроўкі і практыкі студэнтаў на базе вучэбна-вопытнай гаспадаркі Ольштынскага універсітэта, а таксама выкладчыкаў. Разам праводзяцца і навукова-практычныя канферэнцыі, з’яўляюцца сумесныя публікацы, а зараз плануюцца яшчэ і стажыроўкі нашых выкладчыкаў па праграме Erasmus Mundus. Былы студэнт ЗІФа Радзюн Максім закончыў у Ольштыне магістратуру і абараніў магістарскую працу. Далей прадстаўлены некалькі фотаздымкаў, на якіх нідзе няма Аляксандра Міхайлавіча Тараса. Трэба ж было захапіць з сабой і мяне, як карэспандэнта нашага сайта.

Матэрыял падрыхтаваны дацэнтам кафедры мікрабіялогіі і эпізааталогіі
Мікалаем Таранда e-mail:Адрес электронной почты защищен от спам-ботов. Для просмотра адреса в вашем браузере должен быть включен Javascript.

{odnaknopka}