Застаецца зусім мала часу, калі ва ўсіх універсітэтах завяршыцца прыём дакументаў ад абітурыентаў. Ужо па традыцыі заглянуў у прыёмную камісію ГДАУ. Праца ішла поўным ходам і калі я паспрабаваў адцягнуць чыюсьці ўвагу са сваім фатаграфаваннем, мяне папракнулі, што зацягваю час і ствараецца чарга.
Інфармацыю аб колькасці неабходнага набору студэнтаў на розныя факультэты і формы навучання (бюджэтную, мэтавую, платную) можна пабачыць у папцы “Абітурыенту”, а на 12 гадзін 23 ліпеня, наколькі я зразумеў, там яшчэ было дастаткова вольных месцаў і на бясплатную форму навучання. Справа ў тым, што шматлікія патэнцыяльныя абітурыенты будуць вырашаць свой лёс як заўсёды ў апошні дзень. І нават сёння, калі я запытаў у хлопца, які пісаў ужо заяву – куды ён паступае, то ён адказаў, што яшчэ не вырашыў – на тэхналогію малака ці мяса.
Панасюк Дзіма са сваёй мамай толькі што падалі дакументы на тэхналагічны факультэт (на спецыялізацыю “Тэхналогія мяса і мясных прадуктаў”
Заявы пішуць Сідаровіч Таня (стаіць яе мама) на інжынерна-тэхналагічны факультэт “Тэхналогія захоўвання і пераапрацоўкі збожжа” і Рунец Віктар, які на дадзены момант сумняваўся яшчэ, што ж напісаць “мяса” ці “малако”?
Папа Шыла Таццяны завярае сваім подпісам выбар дачкі – інжынерна-тэхналагічны факультэт
У Князева Дзяніса рука, якую ён трымае ззаду - у гіпсу, таму заяву за яго запаўняе мама (я яшчэ спытаў – хто ж з Вас паступае); ён паступае на спецыяльнасць фінансы і крэдыт
А Баранскі Міхал – гэта ўжо магчыма будучы студэнт факультэта ветэрынарнай медыцыны
Сяброўка ці сястра, якая закончыла зоаінжынерны факультэт, прывяла Раманчыка Валеру падаваць заяву на гэты ж самы факультэт
Аўгусціновіч Аляксандра падае дакументы на факультэт аховы раслін
Лаўрышук Ігар са Свіслачы паступае таксама на ФАР, але ён будзе вучыцца па мэтаваму накіраванню ад Гродзенскага аблвыканкама
На фотаздымку – адказны сакратар прыёмнай камісіі
А гэты чарнявы хлопец з Эквадору Венегас Ідальга Марлон Іван, які стаіць с загадчыцай аддзела па знешніх сувязях Дзінай Міхайлаўнай Суленка, займаўся на падрыхтоўчым аддзяленні ГДАУ, але прыклаў менш старання, чым трэба было і не зможа стаць нашым студэнтам