Аб гэтым я даведаўся з тэлеперадачы, а пасля дадатковую інфармацыю атрымаў ад нашага былога выпускніка Віталя Бялоцкага, які падзяліўся і фотаздымкамі з гэтае імпрэзы.  Арганізатарам Вадохрышча, якое адбывалася на возеры Юбілейнае, стаў “Клуб оздоровительного плавания и закаливания СИЛА ПРИРОДЫ”. У мерапрыемстве былі задзейнічаны праваслаўны і каталіцкі святары.

Мерапрыемства было дазволена камандуючым штаба Заходняга аператыўнага камандавання. У ім прынялі ўдзел і воіны, якія ўстанавілі намёты, арганізавалі пункт гарачага харчавання. Лунку ў выглядзе крыжа зрабілі прадстаўнікі абласной службы МНС (вадалазы і выратавальнікі). Пахрысціцца асвечанай вадой сабралася больш за дзве сотні гарадзенцаў. Як адбывалася Вадохрышча на Юбілейным глядзіце фотарэпартаж, зроблены Віталем Бялоцкім, які становіцца ўжо  сталым карэспандэнтам наша сайта.

Матэрыял падрыхтаваны дацэнтам кафедры мікрабіялогіі і эпізааталогіі
Мікалаем Таранда e-mail:Адрес электронной почты защищен от спам-ботов. Для просмотра адреса в вашем браузере должен быть включен Javascript.