Меню

Першы месяц вучобы завяршыўся

Здаецца з кожным апошнім годам на вучобу ў аграрны ўніверсітэт трапляюць усё больш падрыхтаваныя абітурыенты. Такі вывад напрошваецца пасля знаёмства са студэнтамі першых курсаў, будучымі аграномамі з другога курса і інжынерамі-тэхнолагамі з трэцяга, у якіх даводзіцца выкладаць свой прадмет.

Нават кароткія сустрэчы на вуліцы, якія адбываюцца з групамі студэнтаў, паказваюць, што гэта ўжо ўсебакова сфарміраваныя асобы са сваімі інтарэсамі – хтосьці ходзіць на рэпетыцыі народных танцаў, хтосьці танцуе пад сучасныя рытмы, а ішыя спяваюць, удзельнічаюць у спартыўных спаборніцтвах, ды яшчэ і з’яўляюцца грамадскімі актывістамі.

Неяк спаткаў першакурснікаў, якіх не пусцілі на заняткі па фізічнай культуры з-за таго, што прыйшлі не па форме апранутыя. Было іх шкада, але гэта добрая навука на будучае. Затое быў час пастаяць і крыху пазнаёміцца. Побач праходзіла выкладчык хіміі, звярнулася да мяне па-беларуску і тут жа студэнты перайшлі на мову. Вельмі прыемны факт.

Дзякуючы перапынкам заўсёды ёсць магчымасць зайсьці ў аўдыторыю, паразмаўляць пра канікулы і праблемы ў вучобе, асабліва з першакурснікамі. Шкада,  але часам складваецца ўражанне, што акрамя заняткаў студэнтаў нічога не цікавіць. Таму радуе, калі якая група дамаўляецца каб разам схадзіць на экскурсію.

Адначасова са стацыянарнымі студэнтамі заняткі пачаліся і ў завочнікаў, з якімі бачыліся ў мінулую сесію. Сустрэў нават завочніцу, якую пазнаў па прозвішчу яе свёкра, з якім у 80-я гадры мы разам працавалі ў калгасе. Яна і на самай справе аказалася з маёй вёскі, якую ў гэтым годзе ні разу так і не наведаў.

Запрашалі мяне студэнты і на прысвячэнне першакурснікаў у студэнты ў гэтым годзе. Шкада, што не змог прысутнічаць. Пытаюцца ці хутка вярнуся і гэта радуе.

Просмотр галереи изображений онлайн на странице:
https://www.ggau.by/nowosti/4538-pershy-mesyats-vuchoby-zavyarshy-sya#sigProId3a1be7985f

Таранда Н.И.,
доцент кафедры микробиологии и эпизоотологии

Поделиться

Подписаться

Объявления и конференции

Вам будет интересно

English Español Türkmen dili 格罗德诺国立农业大学
  • Республика Беларусь
    230008 г. Гродно ул.Терешковой, 28
  • Тел./Факс: +375 (152) 72 13 65
  • ggau@ggau.by