Дзень Незалежнасці, які супадае з днем вызвалення Мінска ад нямецка фашысцкіх захопнікаў, святкавалі 3 ліпеня і ў Гродна, які на самай справе быў вызвалены ад немцаў толькі 16 ліпеня 1944 года. Першымі на месца збору каля біятэхналагічнага корпусу з’явіліся студэнты ў жоўтых накідках з сімволікай універсітэту. У хуткім часе калону ГДАУ ўзначалілі рэктар, прарэктары, дэканы, загадчыкі кафедраў, выкладчыкі.

Для ўпрыгожання калоны былі выкарыстаны сцягі ўніверсітэта, шалікі з сімволікай універсітэта, невялікія дзяржаўныя сцяжкі, якія трымалі ў руках удзельнікі святкавання з ГДАУ. Для нас было абазначана месца на вуліцы Сацыялістычнай насупраць кінатэатру “Чырвоная Зорка”. Наперадзе размясціліся маладажоны, дзеці з дзіцячых садкоў і школьнікі ў нацыянальных строях. Пасля нас - медыцынскі ўніверсітэт і ўніверсітэт імя Янкі Купалы.  Як аказалася, гэта быў не канец калоны. Перад кіраўніцтвам горада і вобласці, ветэранамі прайшлі прадстаўнікі, як дзяржаўных, так і прыватных устаноў.

Але перад гэтым адбыўся парад вайскоўцаў і паказыльны выступ ганаровага каравула.

Святочная калона нагадвала дэманстрацыю савецкіх часоў, толькі рухаліся ўсе ў зваротным накірунку і прысутнічаць на дэманстрацыі было не абавязкова 100% складу супрацоўнікаў калектываў горада. Дыктар па мікрафону аб’яўляў тых, хто праходзіць. У канцы шэсця стаялі ў барвовай вопратцы прадстаўнікі ГА “ Чырвоны Крыж”. Яны ўсіх віталі і адпаведна ўсе віталі і іх, пасля чаго разыходзіліся. Прадстаўнікі ГА “Белая Русь” ад нашага ўніверсітэту ішлі асобнай калонай.

Да помніка загінулым, што знаходзіцца ў парку Жылібера, павінны былі ўскладваць кветкі, але прабіцца туды было немагчыма. На тэрыторыі парку размяшчаўся і намёт факультэта ветэрынарнай медыцыны, дзе былі прадстаўлены экспанаты, а з дапамогай мікраскопу цікаўныя маглі пазнаёміцца з нябачным без яго мікрамірам. Побач студэнты факультэта прапаноўвалі кацянят, думаю што нават бяз грошай, а грашовыя ахвяраванні збіралі на прытулак для бяздомных жывёлаў.

На плошчы Жылібера дэманстравалася ваенная тэхніка.

• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
•  

Таранда Н.И.,
доцент кафедры микробиологии и эпизоотологии