20 студзеня наш універсітэт наведалі старшыня Гродзенскага абласнога камітэта прафсаюза работнікаў аграпрамысловага комплексу Іван Станіслававіч Алізаровіч, прэс-сакратар ФПС па Гродзенскай вобласці Юлія Шэўцова, іншыя карэспандэнты, а таксама кінааператар Гродзенскага тэлебачання Сяргей Печарыца.

Сустрэліся ў корпусе інжынерна-тэхналагічнага факультэта на кафедры тэхналогіі захоўвання і перапрацоўкі расліннай сыравіны, якой кіруе дацэнт Сяргей Будай. Старэйшы выкладчык кафедры Ала Пакрашынская прадэманстравала для гасцей прыгатаванне ва ўмовах лабараторыі макарон з рознымі расліннымі  дадаткамі, якія акрамя напаўнення макарон карыснымі ўласцівасцямі, прыдаюць ім прывабную афарбоўку. Адказаў на пытанні карэспандэнтаў і загадчык кафедры. Магчыма ў недалёкім будучым на прылаўках нашых магазінаў з’явяцца новыя віды макаронных вырабаў, распрацаваныя супрацоўнікамі універсітэта.

Працяг сустрэчы адбыўся ў працоўным пакоі рэктара ўніверсітэта, дзе акрамя Вітольда Казіміравіча, прысутнічаў прарэктар па навуковай працы Сяргей Тарасенка. Ім было чым пахваліцца, бо навуковыя дасягненні ўніверсітэта апошнія гады, у тым ліку і ў 2016 годзе, былі значнымі. Для прыкладу можна сказаць, што 7 маладых навукоўцаў за мінулы год абаранілі кандыдацкія дысертацыі. А новыя віды макаронных вырабаў, гэта толькі адзін бок навуковых даследаванняў.

У гэты дзень ад імя абласнога камітэта прафсаюза работнікаў аграпрамысловага комплексу пяць навукоўцаў ГДАУ, у тым ліку і аўтар гэтай інфармацыі, атрымалі ганаровыя граматы, падзякі і грашовыя прэміі.

• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
•  

Таранда Н.И.,
доцент кафедры микробиологии и эпизоотологии