У гэтай інфармацыі толькі мае агульныя ўражанні ад гэтай любімай усімі імпрэзы. Старшыня студэнцкага прафкаму Сяргей Чухноў прапанаваў мне квіток на 11 месца ў 3 радзе, каб я мог фатаграфаваць. Але пастараюся не ілюстраваць сам ход студэнцкіх праграм.
Да пачатку Шоу каманды выступаючых знаходзіліся ў першых радах залы. Хтосьці намалёўваў вусны, некага старэйшыя сяброўкі яшчэ толькі запляталі. Вось гэты момант і захапіў мой фотаапарат. Журы Шоу ў гэтым годзе было, як ніколі, вялікае, і ўзначаліў яго прарэктар па выхаваўчай працы ГДАУ Фёдар Мікалаевіч Лявонаў. Трэба спадзявацца, што яны справядліва вызначаць месцы для факультэтаў, ад якіх падтрымаць свае каманды прыйшлі дэканы са сваімі намеснікамі.
Групы падтрымкі са студэнтаў факультэтаў таксама не бяздейнічалі. Яны гучна падтрымлівалі выступленні сваіх каманд. Упершыню заўважыў, што і не толькі сваіх, але і канкурэнтаў. Падтрымлівалі спевакоў. А выступілі на вечары сапраўдныя таленты, сярод якіх два студэнты з Туркменістана, студэнтка з Афрыкі. Пачыналася Шоу з выступлення першакурснікаў ФВМ, а завяршылася выступленнем студэнтаў БТФ. Я выходзіў з галоўнага корпуса амаль апошнім, але яшчэ доўга чулася, як на вуліцы студэнты скандавалі – БТФ, БТФ, БТФ.... А раптам і сапраўды яны акажуцца ў ліку лепшых. Шмат гадоў было так, пакуль ад гэтага факультэту не адпачкаваўся ІТФ. А ў цэлым праграма ўсіх была вельмі моцнай, і калі б адзін старшакурснік не сказаў мне, што яму сорамна за выступ яго факультэта, то я і не падумаў бы, што яны выступілі слабей.
https://www.ggau.by/nowosti/2520-11-listapada-adbylosya-shou-pershakursnika#sigProIdbb966cf19f