У гэтым годзе выстава вінаграду будзе працаваць тры дні, у тым ліку ў суботу 19-га верасня ў рамках дня горада. Акрамя вінаграду на ёй прадстаўлены і іншыя ягадныя культуры.

З прывітальным словам на адкрыцці выставы выступіў рэктар універсітэта Вітольд Песціс. Асобныя ўдзельнікі выставы размясціліся, як звычайна, у фае ўніверсітэта, іншыя – на свежым паветры.

Пазнаёміўся з прадстаўленымі на выставе гатункамі вінаграду, падслухаў асобныя сакрэты яго вырошчвання. Кожны год 1-2 гатункі вінаграду набываў. Добра, што лета было сухое, бо ляжаць і спеюць у мяне тыя гронкі проста на зямлі. Не рызыкую набываць новыя, пакуль не навяду парадкі з раней набытымі. У той жа час шмат якія наведвальнікі купляюць па некалькі саджанцаў.

Адначасова падчас выставы можна набыць насенне, угнаенні, сродкі аховы раслін. З нецярпеннем чакаю падобнай выставы, калі можна будзе купіць пладовыя дрэвы. Пакуль невядома дакладна, калі яна адбудзецца. Калі дата стане вядомай, аб'ява будзе і на сайце ўніверсітэта.

Видеосюжет от телеканала Гродно плюс