На факультэце павышэння кваліфікацыі і перападрыхтоўкі кадраў АПК УА "ГДАУ" з 23 да 27 лютага адбылася вучоба дырэктараў райплемстанцый (цэнтраў селекцыі) Гродзенскай вобласці, а таксама спецыялістаў гаспадарак, якія рэалізуюць Рэспубліканскую праграму па племянной справе ў жывёлагадоўлі на 2011-2015 гады.
Галоўная тэма курсаў – арганізацыя вытворчасці малака і ўзнаўлення статку на сучасных малочнатаварных комплексах. Пасля тыднёвых заняткаў, якія былі праведзены вядучымі спецыялістамі гэтай справы, 28 слухачоў здалі тэставы экзамен і атрымалі пасведчанні аб павышэнні кваліфікацыі.
Мне давялося папрысутнічаць на адным з такіх заняткаў, якія праводзілі спецыялісты нашага біятэхналагічнага цэнтра па рэпрадукцыі сельскагаспадарчай жывёлы. Размова ішла аб планах больш шырокага выкарыстання генетычнага фонду высокапрадуктыўных кароў, якія адслужылі адведзены ім тэрмін і трапляюць на мясакамбінаты рэспублікі.
Час у праграме быў адведзены і на знаёмства слухачоў курсаў з горадам, у якім хтосьці бываў часцей ці зрэдку, але ніколі не задумваўся аб тым, што племянная справа развівалася на нашай тэрыторыі і ў папярэднія стагоддзі, каштоўныя пароды жывёлы завозіліся з Галандыі і іншых краін Еўропы.
https://www.ggau.by/nowosti/2287-pavyshenne-kvalifikatsyi-dyrektara-rajplemstantsyj#sigProIdb07ee6c601