25 верасня студэнты аграрнага універсітэта, якія ў 2007 годзе ўдзельнічалі ў рэспубліканскім конкурсе навуковых работ, атрымалі прэміі ў сувязі з распараджэннем Прэзідэнта Рэспублікі Беларусь № 206рп ад 04.08.2008 года і больш раннім рашэннем савета спецыяльнага фонду Прэзідэнта Рэспублікі Беларусь па сацыяльнай падтрымцы здольных навучэнцаў і студэнтаў.
Частка нашых пераможцаў ужо працавала па размеркаванню і не ўсе змаглі прыехаць атрымаць дыпломы за працы I-ай катэгорыі і грашовыя ўзнагароды. Узнагароды ўручалі прарэктар ГДАУ па навуковай працы Сяргей Анатолевіч Тарасенка і супрацоўнік навуковага аддзелу Данута Восіпаўна Валошына. Напачатку Сяргей Тарасенка падзякаваў студэнтаў за іх уклад у навуку універсітэта і адзначыў, што апошнія гады наш універсітэт прадстаўляе на рэспубліканскі конкурс навуковыя працы, якія атрымліваюць дыпломы I ці II катэгорыі. Кожная праца мае пад сабой вялікі запас даследаванняў, некалькі публікацый і выступленняў студэнтаў на навуковых канферэнцыях у нашым універсітэце, а таксама ў Віцебскай і Горацкай акадэміях.
Ніжэй прадстаўлены спіс студэнтаў, якія атрымалі дадатковыя ўзнагароды:
Дзегцярэвіч Валянціна Восіпаўна
Камендант Аляксандр Аляксандравіч
Мелько Наталля Станіславаўна
Чэрвінская Ірына Рамуальдаўна
Шарала Віктар Віктаравіч
Клімовіч Міхаіл Міхайлавіч
Кашалюк Юрый Мікалаевіч
Маршалін Максім Аляксандравіч
Мілоста Анастасія Генрыхаўна
Міралюбаў Аляксандр Анатольевіч
Сцепанюк Сяргей Валянцінавіч
Прозвішчы выкладчыкаў, якія кіравалі навуковай працай студэнтаў-пераможцаў такія: Валедаў, Дзегцярэвіч Ірына, Шчарбацюк (2 студэнты), Саловіч, Колясень, Сенько, Кавалеўскі, Бруйло, Шацкі, Таранда.