Падчас візіту ў Гродна выкладчыкі з Варонежскага аграрнага ўніверсітэту наведалі сваіх калег на факультэце ветэрынарнай медыцыны.

За “круглым сталом” ў лекцыйнай зале дэкан ФВМ Аляксандр Арыстаў расказаў прысутным пра спецыяльнасці, якія набываюцца студэнтамі на факультэце. У сваёй прамове ён закрануў умовы вучобы, электронныя вучэбна-метадычныя комплексы, адпрацоўкі прапушчаных заняткаў і іншыя пытанні вучэбнага працэсу – магістратуру і аспірантуру.

Аляксандр Васільевіч пазнаёміў са сваімі выкладчыкамі і тым, на якіх кафедрах яны працуюць. Праўда, некалькі з варонежскіх выкладчыкаў у нашым універсітэце ўжо не першы раз. Заадно ён уручыў сертыфікаты ўдзельнікаў нашым вучоным, якія адпраўлялі свае матэрыялы на навукова-практычную канферэнцыю ў Варонеж, якая адбылася там 15 лістапада.

Ад гарадзенскага аграрнага выступіў дэкан ФВМ Віктар Малашка, які пасля ўручыў гасцям пасведчанні аб павышэнні кваліфікацыі па інавацыйных тэхналогіях у жывёлагадоўлі. Пасля сустрэчы спецыялісты профільных кафедраў змаглі яшчэ паразмаўляць між сабою. Вечарам ў гэты дзень павінна была адбыцца гульня ў футбол паміж студэнткамі Варонежскага аграрнага і Гродзенскага медыцынскага ўніверсітэтаў.

Аб выніках гульні даведаўся на наступны дзень – 1:1. Было каля 8 гадзін ранку, вырашыў заглянуць ці з’ехалі нашы госці з інтэрнату. Усе яны знаходзіліся ў аўтобусе. Настрой быў добры. Разам з імі да Мінску ехалі і некалькі нашых студэнтаў разам з кіраўніком аддзелу знешніх сувязяў ГДАУ Паўлам Сняжыцкім.

• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
• Нажмите, чтобы увеличить изображение Нажмите, чтобы увеличить изображение
•  

Таранда Н.И.,
доцент кафедры микробиологии и эпизоотологии