Меню
У чытальнай зале да пачатку конкурса

4 і 5 красавіка ў ГДАУ адбыўся конкурс “Аграмайстэрства” па намінацыі “Агранамія”

У конкурсе прынялі ўдзел навучэнцы наступных каледжаў: Навагрудскі дзяржаўны аграрны каледж, Ляхавіцкі ДзАК УА “БАРДзУ”, Пружанскі дзяржаўны аграрна-тэхнічны каледж, Краснабярэжскі ДзАК, Мар’інагорскі дзяржаўны ордэна “Знак Почёта” аграрна-тэхнічны каледж імя В.І.Лабанка, Палескі ДзАК імя В.Ф.Міцкевіча, Жыліцкі ДзСГК, Аграрны каледж УА “ВДАВМ”.

Акрамя тэарэтычнай часткі па “Раслінаводству” і “Земляробству” было і практычнае заданне, якое навучэнцы каледжаў выконвалі ў другой полове дня. Старшынёй конкурснай камісіі быў дэкан агранамічнага факультэта ГДАУ Алег Чэслававіч Кажанеўскі. У склад камісіі ўваходзілі выкладчыкі ГДАУ і БДСГА (Горкі). Пакуль ішла праверка выкананых заданняў, удзельнікі конкурса мелі магчымасць папрысутнічаць на КВН студэнтаў пяці факультэтаў універсітэта.

На наступны дзень адбылося ўзнагароджанне ўдзельнікаў па выніках конкурса ў асабістым заліку. Дыплом I ступені атрымаў Ілля Юнаш (Пружаны), дыплом II ступені атрымаў Яўген Есьман (Ляхавічы) і дыплом III ступені – Дзяніс Мельнічук (Навагрудак). Былі ўзнагароджаны дыпломамі лепшыя па дысцыплінах: па “Раслінаводству” Васіліса Мядзведзь (Навагрудак), па “Земляробству” Ілля Юнаш і Яўген Есьман.

Алег Чэслававіч адзначыў навучэнцаў за лепшыя адказы пры выкананні тэарэтычных і практычных конкурсных заданняў, але гэта ўжо дастаткова вялікі спіс узнагароджаных. Увогуле ніхто не застаўся без розных дыпломаў, сертыфікатаў і узнагародаў. Усе, хто атрымаў такія ўзнагароды, пры паступленні на далейшую вучобу ў ГДАУ магчыма атрымаюць надбаўку да стыпендыі ў 30% на першы семестр.

Каманды за першыя тры месцы будуць узнагароджаны на ўзроўні Міністэрства сельскай гаспадаркі і харчавання Рэспублікі Беларусь. Месцы сярод каманд конкурсная камісія размеркавала наступным чынам:

1-е месца - Навагрудскі дзяржаўны аграрны каледж

2-е месца - Ляхавіцкі дзяржаўны аграрны каледж УА “БАРДзУ”

3-е месца - Пружанскі дзяржаўны аграрна-тэхнічны каледж

 

Просмотр галереи изображений онлайн на странице:
https://www.ggau.by/af/news/4982-4-i-5-krasavika-gdau-adby-sya-konkurs-agramajsterstva-pa-naminatsyi-agranamiya#sigProId7ae7a682e5

Таранда Н.И.,
доцент кафедры микробиологии и эпизоотологии

Поделиться

Вам будет интересно

English Español Türkmen dili 格罗德诺国立农业大学
  • Республика Беларусь
    230008 г. Гродно ул.Терешковой, 28
  • Тел./Факс: +375 (152) 72 13 65
  • ggau@ggau.by