Галіна Сяргееўна палічыла, што рэктарат нашага ўніверсітэта звярнуўся да былых выпускнікоў і даслала кароткі матэрыял са сваёй працоўнай біяграфіі. Вучылася яна на зоаінжынерным факультэце ГСГІ у 1973 -1978 гадах. Атрымала дыплом з адзнакай і паехала на працу з мужам, які быў вайскоўцам аж у Пертапаўлаўск-Камчацкі. Працавала ў Вытворчым упраўленні сельскай гаспадаркі Камчацкага аблвыканкама, якое зараз называецца Міністэрства сельскай гаспадаркі камчацкага края.
За час сваёй працы наведала ўсе 34 саўгасы самага рознага накірунку, якія меліся на тэрыторыі края. З размешчаных ніжэй фотаздымкаў бачна наколькі гэта прыгожы экзатычны край і дзе там толькі займацца сельскай гаспадаркай? Але гэта толькі мая ўласная думка. Затым Галіна Сяргееўна вярнулася ў Беларусь і працавала ў калгасе “Іскра” Гродзенскага раёна (в.Гожа). Не заўсёды пры пераездах на новае месца працы знаходзілася адпаведная работа і яна перавучылася на бухгалтара. Зараз на пенсіі, пражывае ў Лідзе, займаецца выхаваннем 12-гадовай дачкі. Вось і ўсё, што паведаміла пра сябе Галіна Чыгір падчас перапіскі. Яшчэ яна даслала фотаздымкі, на якія можна глянуць тут.
Матэрыял падрыхтаваны дацэнтам кафедры мікрабіялогіі і эпізааталогіі
Мікалаем Таранда