24-25 мая 2019 года УА «Гродзенскі дзяржаўны аграрны ўніверсітэт» разам з ДУА «Гродзенскі абласны інстытут развіцця адукацыі» праводзяць АГРАГІЯДУ ў рамах IV сесіі адукацыйнай платформы «АграКЛАС» для навучэнцай агракласаў і педагогаў усіх рэгіёнаў Рэспублікі Беларусь. У мерапрыемстве плануецца ўдзел каля 140 школьнікаў і 60 настаўнікаў. З выставамі прымуць удзел усе вышэйшыя ўстановы рэспублікі аграрнага напрамку, а таксама сельскагаспадарчыя каледжы Гродзенская вобласці. Для навучэнцаў аграрных класаў плануюцца прафарыентацыйныя выступы, гульня-квэст у студэнцкім гарадку УА “ГДАУ”, па заканчэнні - імпрэза ў актавай зале ўніверсітэта.
Па выніках першага года работы класаў аграрнай накіраванасці адбудзецца круглы стол з прадстаўнікамі школ, галоўнага ўпраўлення адукацыі, навукі і кадраў Міністэрства сельскай гаспадаркі і харчавання Рэспублікі Беларусь, вучэбна-метадычнага цэнтра Мінсельгасхарча, устаноў вышэйшай адукацыі.