Міжнароднае супрацоўніцтва з’яўляецца неад’емным відам дзейнасці УА «ГДАУ». Ва ўніверсітэце вялікая ўвага надаецца пашырэнню міжнародных сувязей і інтэграцыі ў сусветную навукова-адукацыйную прастору.
Аддзел міжнародных сувязей як структурнае падраздзяленне УА «ГДАУ» забяспечвае арганізацыю міжнароднай дзейнасці ўніверсітэта.
Асноўныя накірункі міжнароднай дзейнасці УА «ГДАУ»:
- пашырэнне адукацыйных паслуг універсітэта на сусветным адукацыйным рынку;
- пашырэнне экспарту адукацыйных паслуг УА «ГДАУ» ў краіны Еўропы, блізкага і далёкага замежжа;
- падтрыманне ўстойлівых сувязей з замежнымі ўніверсітэтамі і міжнароднымі арганізацыямі ў межах шматбаковых або двухбаковых дагавораў аб супрацоўніцтве;
- пашырэнне партнёрскіх сувязей з замежнымі ўніверсітэтамі і навуковымі арганізацыямі;
- павышэнне акадэмічнай мабільнасці студэнтаў і выкладчыкаў універсітэта;
- рэалізацыя міжнародных адукацыйных і даследчых праграм і праектаў;
- садзейнічанне выезду за мяжу па службовых камандзіроўках і па ўмовах рэалізацыі акадэмічных кантактаў супрацоўнікаў, аспірантаў, студэнтаў;
- забеспячэнне міграцыйнага ўліку і кантролю за выкананнем замежнымі грамадзянамі Правіл знаходжання замежных грамадзян на тэрыторыі Рэспублікі Беларусь і заканадаўства Рэспублікі Беларусь;
- маніторынг існуючых стыпендыяльных праграм для навучання і правядзення даследаванняў за мяжой;
- правядзенне міжнародных навуковых канферэнцый і семінараў на базе УА «ГДАУ»;
- арганізацыя стажыровак і практыкі за мяжой для студэнтаў, аспірантаў і выкладчыкаў універсітэта.
Універсітэт падтрымлівае адукацыйныя і навуковыя сувязі больш чым з 50 вучэбнымі ўстановамі і арганізацыямі, з якімі заключаны дагаворы аб супрацоўніцтве. У межах дагавораў здзяйсняецца:
- узаемны абмен прафесарска-выкладчыцкім складам, супрацоўнікамі ўніверсітэтаў, аспірантамі і студэнтамі;
- удзел у канферэнцыях і летніх школах;
- узаемны абмен навуковай і навукова-метадычнай літаратурай, вучэбнымі планамі і іншай вучэбнай дакументацыяй;
- абмен вопытам тэарэтычнага і практычнага навучання;
- абмен інфармацыяй аб найбольш значных і цікавых мерапрыемствах, што праводзяцца ва ўстановах адукацыі;
- сумеснае выкананне навукова-даследчай і эксперыментальнай працы (сумесны ўдзел у міжнародных праграмах і праектах, навуковых выставах, навукова-практычных канферэнцыях і семінарах);
- публікацыі вынікаў сумесных даследаванняў;
- развіццё прафесійных і культурных кантактаў непасрэдна паміж адпаведнымі факультэтамі і кафедрамі.
Удзел у міжнародных навуковых праектах здзяйсняецца сумесна з партнёрамі з Расіі, Украіны, Казахстана, Літвы, Германіі, Польшчы, Іспаніі, Швецыі.
Ва ўніверсітэце навучаецца 160 замежных студэнтаў з розных краін (Туркменістан, Расія, Літва, Польшча, Казахстан, Азербайджан, Таджыкістан, Манголія, Ірак, Эквадор, Нігерыя, Конга, Камерун)
З 2014 – 2015 навучальнага года ва ўніверсітэце адкрыта спецыяльнасць «Менеджмент» на англійскай мове.