Паштовы адрас: 230023, г. Гродна, вул. Валковіча, д. 1, каб. 6
Тэлефон/Факс: + 375 (152) 77-29-76 (дэкан); + 375 (152) 74-09-91(дэканат)
E-mail: Адрес электронной почты защищен от спам-ботов. Для просмотра адреса в вашем браузере должен быть включен Javascript.
Спецыяльнасць «Ветэрынарная медыцына»
Кваліфікацыя спецыяліста: урач ветэрынарнай медыцыны
Дзённая форма навучання (поўны тэрмін складае 5 гадоў; скарочаны тэрмін на аснове сярэдняй спецыяльнай адукацыі – 3 гады 6 месяцаў).
Завочная форма навучання (на аснове сярэдняй спецыяльнай адукацыі – 6 гадоў).
У задачы прафесійнай дзейнасці ўрача ветэрынарнай медыцыны ўваходзіць:
- Арганізацыя і правядзенне супраць эпізаатычных (прафілактычных і вымушаных) мерапрыемстваў;
- Правядзенне дыягнастычных, ветэрынарна-санітарных, лячэбных, прафілактычных, арганізацыйных мерапрыемстваў на аб’ектах прафесійнай дзейнасці;
- Прапаганда ветэрынарных ведаў сярод насельніцтва;
- Распрацоўка і вытворчасць біялагічных прэпаратаў для ветэрынарнай медыцыны;
- Падрыхтоўка кадраў ветэрынарнага профілю.
Аб’ектамі прафесійнай дзейнасці ўрача ветэрынарнай медыцыны з’яўляюцца: сельскагаспадарчыя вытворчыя прадпрыемствы, зверагадоўчыя, птушкагадоўчыя і фермерскія гаспадаркі, рыбгасы, пчалапасекі, племпрадпрыемствы, мясакамбінаты і малакаперапрацоўчыя заводы, прадпрыемствы па перапрацоўцы жывёльнай сыравіны, біяфабрыкі, прадуктовыя рынкі, цыркі, заапаркі, запаведнікі, навукова-даследчыя і адукацыйныя ўстановы.
Урачы ветэрынарнай медыцыны кантралююць якасць прадуктаў харчавання людзей і кармавых сродкаў для жывёл. Выпускнікі факультэта запатрабаваны як спецыялісты дзяржаўнага ветэрынарнага нагляду на мяжы і транспарце, паспяхова працуюць у кіналагічных цэнтрах Міністэрства абароны і Міністэрства ўнутраных спраў.
Студэнты факультэта ветэрынарнай медыцыны праходзяць вытворчую і вучэбную практыку на лепшых аграпрамысловых прадпрыемствах Рэспублікі Беларусь. Факультэт падтрымлівае сувязі з шэрагам навучальных устаноў Польшчы, Літвы, Украіны, Расіі.